أنحب امن البجي من اذكر قَطْعَة جفوفك
وانصب عزية ومآتم إلك إنتَ يا عباس
واسبح بنهر دمعي من أتخيلها جروحك
يسيل الدمع من عيني ويتبلل القرطاس
واغرق ببحر حبك وودي أكون يمك اشوفك
عشقي إلك سيدي ما يقدر يحبسه حبَّاس
ويزيد حبي من أكتب اسمك وارسم حروفك
إنت القمر بعيني سيدي وسط كل هالناس
ياعباس بو الفضل قلي شلون أفكر اعوفك؟!
اسمي اعلى اسمك ولهالسبب رافع الراس
يمتى تجيب الماي أخاف ما تسمح ظروفك!
أطفال وحرم تصرخ وتنادي وينه بطا عباس
أخاف يطول يا ماي العين عالنهر وقوفك
قمر العشيرة إنتَ وإلنا النور والنبراس
أنا ما أريدن ماي أريدن بس يمي أشوفك
إنت إلنا العلم ولو الراية اعلى الأرض تنداس
قلي يابو الغيرة شالِّي جرى وحل بطفوفك؟!
ذكرى مصابك بالقلب وثوب الحزن إلك لباس
ليت قطعوا قلبي ياخوي ولا قطعوا جفوفك
حسين بعدك كسير الظهر ومطأطئ الراس
- Posted using BlogPress from my iPhone
ليست هناك تعليقات:
إرسال تعليق