الأربعاء، 2 مارس، 2011

نور حياتي ...

رحلتي عني وانا بحاجتج يا يمه
وحيد بليل الظلام ويا احزاني


ودي انا صدرج الدافي اضمه
انتي بس وما غيرج حد ثاني


حياتي بغيابج ما هي مهمه
مشتاق وفاقد حنانج تراني


بالليل اسرح مع طيفج واكلمه
ليت ربي قبل موتج خذاني


اشوف كل واحد جالس مع امه
وانا بينهم بفراقج ربي بلاني


***
ماقدر اشوف الحزن فيك يا يمه
ولو بيدي لعيشلك عمر ثاني


كنت لي نور ينورلي في الظلمة
ولا حزنت انت شمعة زماني


ادعي لي يا وليدي بالرحمة
وعيش حياتك ولا تهيج كياني 




اهداء حق واحد من الربع
الله يرحم والدته

ليست هناك تعليقات:

إرسال تعليق