الجمعة، 17 يونيو، 2011

القمر كامل

القمر كامل اليوم اشوفه

زاد نوره وشَعْ وتِرَكْ عنه خسوفه
شوفته تسر العين وماهي بحسوفه
كامل بزينه مهما كانت هي ظروفه
ومن حسنه فاضل تبعثرت حروفه

القمر ساطع اليوم اشوفه

للدلال والجمال لقيته فاردٍ كفوفه
من حب زوله ما يفكر انه يعوفه
كله حنان ورقة ونظراته عطوفه
كامل مكمل وربي كمل وصوفه

القمر كامل اليوم اشوفه

المرعوب لا شاف طيفه زال خوفه
ومن مر صوبه ما يفكر انه يطوفه
ربي يحفظه ومايحرمني من شوفه
وان غاب العين دموع لجله ذروفه

القمر منوّر اليوم اشوفه

انا ماهو بقصدي القمر اللي فوق
قصدي القمر اللي جدامي اشوفه

والقمر كامل اليوم اشوفه


- Posted using BlogPress from my iPhone

هناك تعليقان (2):

  1. كلمات تتفجر منها الاحاسيس
    وروح الرومانسيه والشوق

    أبدعت يداك يافاضل كرم
    شاعر المليارزليون.

    ردحذف