حطب دامة تحركني الدنيا ووين ماتبي توديني
ابي ارجع خطوة الورا بس قانون اللعبة ما يخليني
تعبان من دنياي يا يما وشهو طريج الفوز دليني
كل ماجيت اشيخ عليها تاكلني وتخسرني وتبجيني
راح ابونا اللي كان يعلمني ويوجهني ويباريني
مثل خيمة تظلل علي الشمس وعن حرارتها يداريني
ولا طحت يقومني ويمسك ايديني ومن امرض يداويني
ما ظنيته بهالسهولة يغمض عينه ويرحل بعيد ويخليني
ويترك وراه الشوق واللهفة والالم وخياله سرا فيني
زوايا البيت تبجيه وتنحب حزنانه وبالليل النوم جافيني
اطالع صورته واكلمه مايرد يما قوليله يرد ويحاجيني
يما انا شفيني؟ انا مهموم انا حزنان انا فيني مافيني
وتقولين انسى؟ اشلون ابنسى من يحبني ويغليني
انا ما انسى هيبته ومن كان بعطفه وحنانه يغطيني
وكان ودي يابوي بطفل تلاعبه ويلاعبك يناديك ويناديني
تلمه وتضمه لصدرك وتقول ربي يحفظه وله يخليني
وتعلمني شلون اربيه ومن كلامك ونصحك تعطيني
يكفي يادنيا هموم وألم وجراح ترى مافيني كافيني
- Posted using BlogPress from my iPhone
الله يرحمة انشالله ويسكنه فسيح جناته
ردحذفوالله ياخوي غصب قريت الشعر والله أول مرة أقرى شعر وأنا أبجي واحنا مابيدنا شي الا الدعاء له
أخوك/ فيصل كرم
رحمة الله عليه وعلى اموات المؤمنين والمؤمنات.
ردحذفهي الدنيا تعطينا وتعطينا... وتأخذ منا أغلى أحبابنا...
أسأل الله حسن الخاتمة!!
يادفان صحت بالله عليك تانيني
ردحذفطول بالدفن بودع زهرة سنيني
الموت يليته بدالك يابويه يلفيني
فدوة لك العمر يا أجمل رياحيني
وشلون تتركني وحيد وتخليني
إنا لله وإنا إليه راجعون
والله يرحمه برحمته ويغفرله ويسكنه فسيح جناته مع محمد وآل محمد الطيبين الطاهرين
والبقى براسكم والله يحفظكم ويخليكم لأهلكم وشبابكم
متى ما استطاع الشاعر أن ينزل دمعة واحدة للقارئ ، أستطيع أن أطلق عليه لفب الشاعر.
ردحذفوأبياتك أنزلت أكثر من دمعة من عيني...
أحسنت. حياتك الباقية وأشكرك على مرورك ومصافحتك لأبياتي.
فاضل كرم